Sa pakikipag-usap kamakalawa sa New York sa kanyang Thai counterpart na si Tanasak Patimapragorn, ipinahayag ni Wang Yi, Ministrong Panlabas ng Tsina ang pag-asang maisasakatuparan ang pangmatalagang pag-unlad, katatagan at kasaganaan ng Thailand batay sa pamumuno ng bagong pamahalaan at pagkakaisa sa negosasyon ng ibat-ibang paksyon ng bansa. Aniya, sa nalalapit na ika-40 anibersaryo ng pagkakatatag ng relasyong diplomatiko ng Tsina at Thailand sa taong 2015, nakahanda ang Tsina na pahigpitin ang tradisyonal at mapagkaibigang pakikipagpalitan sa Thailand, at palalimin ang kanilang estratehikong pagtitiwalaan at pagtutulungang may mutuwal na kapakinabangan, para ibayo pang pasulungin ang estratehikong partentrship ng dalawang bansa sa ibat-ibang larangan.
Ipinahayag naman ni Tanasak Patimapragorn na nananatiling mahigpit ang relasyong Tsino-Thai. Nakahanda aniya ang Thailand na pahigpitin ang pragmatikong pagtutulungan sa Tsina sa larangan ng kabuhayan at kalakalan, imprastruktura, at people-to-people exchanges para ibayo pang pasulungin ang relasyon ng Tsina at Thailand, at ng Tsina at ASEAN.