Bilang tugon sa kilusang "Occupy Central" sa HongKong noong nagdaang weekend, ipinahayag ng iba't ibang sirkulo ng HongKong ang mahigpit na kondemnasyon sa nasabing aktibidad. Nananawagan din sila para sa mapayapa at rasyonal na paraan.
Dahil sa pagtutol sa desisyon hinggil sa paghalal sa punong ehekutibo ng Hong Kong na pinagtibay ng Pirmihang Lupon ng Pambansang Kongresong Bayan (NPC), punong lehislatura ng Tsina, sapilitang pumasok noong ika-26 ng buwang ito ang ilang demonstrador sa Punong Himpilan at Konsehong Lehislatibo ng Espesyal na Rehiyong Administratibo ng Hong Kong (HKSAR). Kahapon, sinakop ng mga ito ang mga mahalagang lansangan sa Admiralty, Wan Chai, Causeway Bay, Mongkok, at iba pang rehiyon. Nagdulot ito ng malubhang traffic jam sa Hong Kong Island at Kowloon. Maraming mamamayan ang tumututol dito dahil naapektuhan ang kanilang normal na pamumuhay.
Salin: Andrea