|
||||||||
|
||
Ipininid kahapon sa Tokyo ang Ika-10 Beijing-Tokyo Forum.
Ipinalabas nito ang Tokyo Consensus na nagtatampok sa tatlong punto.
Una, bilang magkakapitbansa, maraming komong interes at pandaigdig na responsibilidad ang Tsina at Hapon. Sa kasalukuyan, nararanasan ang pinakamaigting na situwasyon sa relasyon ng dalawang bansa sapul nang manormalisa ang bilateral na ugnayan. Kaya, kailangang magkasamang magpunyagi Tsina at Hapon para makalikha ng magandang kondisyon sa pagpapanumbalik at pagpapabuti ng relasyon ng dalawang bansa.
Ikalawa, ang tumpak na paglutas sa isyu ng pakikitungo ng Hapon sa mapanalakay na kasaysayan nito at sa alitan sa mga teritoryo ay nagsisilbing pinakamahalagang elemento sa pagpapaganda ng relasyon ng Tsina at Hapon. Umaasa ang Forum na makapagtatamo ng bunga ang Talastasan sa Mataas na Antas hinggil sa Isyung Pandagat na muling binuskan ng dalawang bansa kamakailan.
Ikatlo, ayon sa natamong karanasan ng Forum na ito, ang diyalogo ay nagsisilbing siyang tanging paraan para malutas ang nasabing mga isyu.
Ang kapipinid na Forum na may temang "Pagtatatag ng Kapayapaan sa Hilagang-silangang Asya at Responsibilidad ng Tsina at Hapon—Pagtagumpayan ang Kahirapan sa pamamagitan ng Diyalogo" ay nilahukan ng mahigit 500 kinatawang Tsino at Hapones mula sa iba't ibang sektor.
Mayroon din itong apat na sub-forum na may kinalaman sa pulitika, kabuhayan, diplomasya at kaligtasan, at media.
Ang taunang porum na itinatag noong 2005 ay nasa magkakasamang pagtataguyod ng China Daily, pinakamalaking pahayagang Ingles ng Tsina at Genron NPO, isang think tank ng Hapon.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |