Hinggil sa CRIHinggil sa Serbisyo Filipino
   

Asia, malaki ang potensyal

(GMT+08:00) 2014-10-01 22:04:01       CRI

MALAKI ang potensyal ng Asia. Ito ang sinabi ni G. Takehiko Nakao, pangulo ng Asian Development Bank sa kanyang pagharap sa mga mamamahayag mula sa Asia-Pacific region na nagpupulong sa ADB Regional Headquarters sa Metro Manila.

Sa pakikipagpalitan ng pananaw sa mga nagaganap sa rehiyon, sinabi ni G. Nakao mas makabubuting mag-usap ang mga bansang 'di nagkakaunawaan sa kani-kanilang mga hangganan. Ang pagkakaroon ng mapayapang rehiyon ang magdudulot ng mas maunlad na kapaligiran.

Idinagdag pa ni G. Nakao na mayroong mga kaguluhan sa Gitnang Silangan, sa Silangang Europa at maging sa Africa kaya't napakahalagang manatili ang kapayapaan at katatagan sa Asia.

Ang rehiyon ay maraming mga oportunidad na umunlad at umangat.

Nananatiling malaking hamon para sa Asian Development Bank na patuloy na mabawasan ang agwat ng mga mayayaman at mahihirap sa rehiyon.

Nangako siyang magkakaroon ng mas maraming pagtutulungan ang ADB at ang pamahalaang Pilipino sa mga susunod na pagkakataon. Higit umanong madarama ang kanilang mga programa sa Pilipinas na noo'y pumapangalawa sa Japan kung kaunlaran ang pag-uusapan.

Ipinaliwanag niyang maraming nararapat gawin ang pamahalaan upang mabago ang kalagayan ng bansa at mga mamamayan. Sa paglipas ng panahon, naiwanan na ang Pilipinas ng Timog Korea at iba pang mga bansa. Ipinaliwanag ni G. Nakao na mahalaga ang papel ng mga pagawaing-bayan at mas magandang kalagayan ng paglalakbay sa Metro Manila. Dapat ding malutas kakulangan sa mga pagawaing-bayan, malutas ang traffic problem, matustusan ang sektor ng edukasyon at logistics.

Idinagdag pa rin ni G. Nakao na ang mas matatag na pananalapi ay makabubuti sa mga mamamayan. Ito ang kanyang tugon sa tanong hinggil sa 10 milyong mga Filipinong nasa ibang bansa. Mas maganda umanong dito na magtrabaho ang mga manggagawa upang makasama na nila ang kanilang mga pamilya.

Magaganap lamang ito kung magkakaroon ng mas maraming trabaho sa Pilipinas.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>