Ipinatalastas kahapon ng Estados Unidos na kumpirmado sa loob ng katutubong teritoryo nito ang unang kaso ng maysakit na Ebola. Ito rin ang unang kaso maliban sa Aprika. Sa kasalukuyan, isolateng ginagamot ang maysakit sa isang ospital sa Texas ng E.U..
Sa preskon kahapon, sinabi ni Tomas Frieden, Direktor ng Centers for Disease Control and Prevention (CDC), na galing sa Liberia ang nasabing maysakit. Mayroon siyang ilang kamag-anakan sa E.U.. Dumating siya sa E.U. para bisitahin ang mga kamag-anakan. Aniya, ilalabas ang mas maraming detalye sa susunod na ilang araw.
Ayon pa kay Frieden, nakasalamuha nito ang ilang mga tao pagkatapos magkaroon ng sintomas ng Ebola. Kaya puwede silang mahawa. Pero, aniya, ang mga taong kasakay sa eroplano ng nasabing maysakit ay walang ganitong panganib dahil wala pa silang sintomas noon.
Ayon sa datos ng World Health Organization, hanggang ika-21 ng Setyembre, sa Guinea, Liberia, Sierra Leone, Nigeria, at Senegal, natuklasan ang 6263 kaso ng maysakit, pinaghihinalaan, at posibleng nahawa ng Ebola. Sa kabuuan, 2917 sa kanila ang namatay.
Salin: Andrea