Nagtagpo kahapon sa White House sina Wang Yi, dumadalaw na Ministrong Panlabas ng Tsina at Pangulong Barack Obama ng Estados Unidos.
Ipinahayag ni Obama ang mataas na pagtasa sa konstruktibong papel ng Tsina sa mga suliraning pandaigdig. Ipinahayag din niya ang kanyang pananabik sa nalalapit na pagbisita sa Tsina sa darating na Nobyembre para mapasulong ang pragmatikong pagtutulungan ng dalawang bansa sa iba't ibang larangan at magkasamang tugunan ang mga isyung pandaigdig na gaya ng pagbabago ng klima, epidemiya ng Ebola at terorismo.
Ipinahayag naman ni Wang ang pagsang-ayon ng Tsina sa mungkahi ng panig Amerikano na pasulungin ang pagtutulungan ng dalawang bansa para mapaliit ang agwat.
Sa paanyaya ni John Kerry, Kalihim ng Estado ng Amerika, nagsagawa si Wang ng pagdalaw sa Amerika mula ika-30 ng Setyembre hanggang ika-2 ng Oktubre.
Salin: Jade