|
||||||||
|
||
Bilang tugon sa protestang Occupy Central sa Hong Kong, isang komentaryo ang ipinalabas ng People's Daily, diyaryong may pinakamalawak na sirkulasyon sa Tsina.
Inulit ng Komentaryo na hindi magbabago ang "isang bansa dalawang sistema" at Saligang Batas ng Hong Kong para mapasulong ang repormang demokratiko at pangmatagalang kasaganaan ng Hong Kong.
Anito, ang nasabing paninindigan ay inulit din ni Pangulong Xi Jinping ng Tsina sa kanyang pakikipagtagpo sa delegasyong industriyal at komersyal ng Hong Kong sa Beijing noong ika-22 ng Setyembre.
Ipinagdiinan din ng Komentaryo na ang desisyon hinggil sa paghalal sa punong ehekutibo ng Hong Kong na pinagtibay ng Pirmihang Lupon ng Pambansang Kongresong Bayan (NPC), punong lehislatura ng Tsina, nitong nagdaang Agosto ay isinagawa batay sa Saligang Batas ng Hong Kong at mga mungkahi at kuru-kuro ng mga taga-Hong Kong mula sa iba't ibang sektor.
Ayon sa nasabing desisyon, sa taong 2016, mabubuo ang Konsehong Lehislatibo sa Hong Kong para isagawa ang universal suffrage sa 2017.
Inilunsad kamakailan ng mga taga-Hong Kong ang Occupy Central bilang protesta sa nasabing desisyon.
Para sa kumpletong teksto ng nasabing desisyon, pakitsek ang link na: http://news.xinhuanet.com/english/china/2014-08/31/c_133609238.htm
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |