|
||||||||
|
||
Ayon sa pinakahuling impormasyon mula sa Industrial and Commercial Bank of China Limited o ICBC, aprobado na ng Bangko Sentral ng Myanmar ang pagtatayo ng sangay nito sa Myanmar. Dahil dito, ang ICBC ang unang bangkong Tsino na pinayagang magsaoperasyon sa Myanmar. Ipinahayag ng nasabing bangko na ibayo pang kukumpletuhin ng aksyong ito ang network ng serbisyong pandaigdig ng ICBC sa rehiyon ng ASEAN. Ito ay patuloy ding magpapalakas sa kakayahan ng ICBC sa transnasyonal na serbisyong pinansyal.
Sinabi kahapon ng isang namamahalang tauhan ng ICBC na pinahahalagahan ng kanyang bangko ang pagpapalawak ng pamilihan ng Timog-silangang Asya. Sa kasalukuyan, may 8 organo ang ICBC sa 10 bansang ASEAN. Nagtayo na rin ito ng mga organo sa lahat ng mga rehiyon sa Mekong River.
Dagdag pa niya, sa susunod na hakbang, aktibong makikisangkot ang ICBC sa mga larangang gaya ng bilateral at multilateral na kalakalan, konstruksyon ng imprastruktura, at industriya ng pagyari. Maglilingkod din aniya sa Myanmar ang ICBC sa mga industriya, bahay-kalakal at proyektong may bentahe ang Tsina at kinakatigan ng pamahalaan ng Myanmar.
Salin: Vera
© China Radio International.CRI. All Rights Reserved. 16A Shijingshan Road, Beijing, China. 100040 |