|
||||||||
|
||
Ipinahayag kamakalawa ni Agus Purnomo, sugo ng Isyu ng Pagbabago ng Klima ni Pangulong Susilo Bambang Yudhoyono ng Indonesya, na pagkaraang kumpirmahin ng kongreso ng Indonesya ang ASEAN Agreement on Transboundary Haze Pollution, maaari ng aktibong lumahok ang Singapore at Malaysya sa paglutas sa isyung ito.
Sinabi ni Agus na dahil sa kasunduang ito, mas madaling maaanyayahan ng Indonesya ang mga kapitbansa. Nagdulot ang kasunduan ng kabatayang pambatas para sa ganitong isyu.
Pagkaraang lagdaan ang nasabing kasunduan noong 2002, magkahiwalay na kinumpirma ito ng mga bansang ASEAN, ngunit, ipinagpaliban ito ng Indonesya nang 12 taon. Sa ilalim ng presyur ng iba't ibang panig, sinimulang pag-aralan ng kongreso ng Indonesya ang kasunduang ito noong Enero ng taong kasalukuyang at sinimulang kumpirmahin ito noong ika-16 ng Setyembre.
Salin: Andrea
© China Radio International.CRI. All Rights Reserved. 16A Shijingshan Road, Beijing, China. 100040 |