|
||||||||
|
||
Dumalo kahapon ng hapon sa Milan, Italya, si Premyer Li Keqiang ng Tsina sa Ika-10 Summit ng Asia-Europe Meeting (ASEM).
Sa kanyang talumpati sa pulong, sinabi ni Li na nakahanda ang Tsina, kasama ng iba't ibang bansa ng Asya at Europa, na buuin ang ideya hinggil sa komunidad ng Asya at Europa, pasulungin ang pagkakaisa at pagtutulungan ng dalawang kontinente, at itatag ang kanilang bagong komprehensibong partnership, na nakatuon sa kapayapaan at kaunlaran.
Iminungkahi rin ni Li na dapat palakasin ng Asya at Europa ang kooperasyon sa tatlong aspekto, na kinabibilangan ng una, pangangalaga sa kapayapaan, katiwasayan, at kaunlaran; ikalawa, pagpapalakas ng connectivity at liberalisasyon sa kalakalan at pamumuhunan; at ikatlo, pagpapasulong ng pagpapalitang pangkultura.
Dumalo ang mga lider ng 53 bansa ng Asya at Europa sa kasalukuyang summit ng ASEM na may temang "Responsible Partnership for Sustainable Growth and Security."
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |