|
||||||||
|
||
Nag-usap kahapon sa Boston, Estados Unidos, sina Yang Jiechi, Kasangguni ng Estado ng Tsina at John Kerry, Kalihim ng Estado ng Amerika, hinggil sa pag-unlad ng bagong istilo ng relasyon ng Tsina at Amerika, at mga isyung panrehiyon at pandaigdig.
Kaugnay ng bagong istilo ng relasyon ng dalawang panig, kapuwa ipinahayag nina Yang at Kerry na nakahandang magkasamang magsikap ang dalawang bansa para isakatuparan ang target na ito.
Sinabi ni Yang na dapat isagawa ng dalawang bansa ang mga aktuwal na aksyon para palalimin ang estratehikong pag-uugnayan at pagtitiwalaan ng dalawang panig, pahigpitin ang mga kooperasyon, at maayos na hawakan ang mga hidwaan.
Sinabi ni Kerry na nakahanda ang kanyang bansa na pahigpitin, kasama ng Tsina, ang pag-uugnayan, at pagtutulungan sa iba't ibang larangan.
Kaugnay ng pagdalo ni Pangulong Barack Obama sa Asia-Pacific Economic Cooperation Summit na idaraos sa Nobyembre sa Beijing at pagdalaw sa Tsina, sinabi ni Yang na dapat pahigpitin ng Tsina at Amerika ang kooperasyon sa Asya-Pasipiko para pasulungin ang katatagan at kasaganaan ng rehiyong ito.
Sinabi ni Kerry, na sa kanyang pagdalaw sa Tsina, umaasa si Pangulong Obama na matatalakay nila ni Pangulong Xi Jinping ng Tsina, ang hinggil sa pagpapahigpit ng mga kooperasyon ng dalawang bansa.
Tinalakay din nina Yang at Kerry ang mga isyung gaya ng kalakalan ng dalawang bansa, relasyon ng mga hukbo ng dalawang bansa, pagharap sa pagbabago ng klima, paglaban sa Ebola virus, paglaban sa terorismo at mga isyung nuklear ng Iran at Korean Peninsula.
© China Radio International.CRI. All Rights Reserved. 16A Shijingshan Road, Beijing, China. 100040 |