|
||||||||
|
||
NANAWAGAN si Philippine Red Cross Chairman Richard Gordon sa mga taong dumukot kay Josie Tallado, Red Cross chair ng Camarines Norte.
Ayon sa dating senador, si Tallado ay abala sa mga ginagawa ng Red Cross tulad ng pagtulong sa mga nahihirapan.
Ayon sa initial reports, si Gng. Tallado at ang kanyang kasamang kinilala sa pangalang Darlene Francisco ay hindi na nakita mula noong Biyernes ng hapon sakay ng kanilang Toyota Fortuner.
Idinagdag pa ni G. Gordon na sandigan ng Red Cross sa Camarines Norte si Gng. Tallado. Nakikipagtulungan siya sa National Headquarters at maraming nagawa para sa mga mahihirap. Umaasa ang dating senador na madali at ligtas na makababalik ang maybahay ng gobernador ng Camarines Norte.
Nanawagan din siya sa mga autoridad na gawin ang lahat upang hanapin at maibalik kaagad ang nawawalang maybahay sa kanyang pamilya.
Wala pang ibang impormasyong natatanggap ang Philippine National Police Regional Office No. 5 sa pangyayari.
© China Radio International.CRI. All Rights Reserved. 16A Shijingshan Road, Beijing, China. 100040 |