Naganap kahapon sa isang military checkpoint sa Sinai Peninsula ng Ehipto ang suicide car bombing na ikinamatay ng di-kukulangin sa 30 sundalong Ehipsyan. Sa gayon, lumampas na sa 500 ang bilang ng mga namatay sa mga pag-atake sa Sinai Peninsula na ginawa ng mga ekstrimista mula noong Hulyo ng nagdaang taon.
Pagkaraang maganap ang nabanggit na insidente, ipinatalastas kagabi ni Pangulong Abdel-Fattah El-Sisi ng Ehipto ang tatlong buwang state of emergency sa bahagi ng Sinai Peninsula.
Kaugnay naman ng insidenteng ito, ipinahayag kagabi ni Pangkalahatang Kalihim Ban Ki-moon ng UN ang kanyang pagkondena, at sinabi niyang ito ay isang teroristikong pag-atake. Kinondena rin ng UN Security Council ang pag-atakeng ito at inulit nito ang buong tatag na paglaban sa lahat ng mga porma ng terorismo.