SA kinasasangkutang kontrobersya ni Vice President Jejomar Binay at kanyang mga kabakas, nanawagan si Senador Miriam Defensor-Santiago sa mga bangko na kailangang kumilos upang maiwasan ang money laundering ng mga opisyal ng pamahalaan at iba pang tao.
Ayon sa mambabatas, ang pagtatago at pag-iwas na mabawi ang assets na illegal na nakamtan, ang paggamit ng mga opisyal ng pamahalaan ng mga kamag-anak at kaibigan bilang nominees, dummies at fronts na siyang bumubuo ng corporate entities at nagbubukas ng mga bank accounts.
Idinagdag ni Senador Santiago na ang mga korporasyong ito at ang mga bank accounts ay nananatiling kontrolado ng mandarambong na opisyal ng pamahalaan.
Sa pagkakataong ito ang mga opisyal ng pamahalaan ang nakikinabang sa assets. Ang nominees ang kumikilos na may-ari, legal owner o shareholder ng mga korporasyon at mga ari-arian.
Ang mga professional nominee ay binabayaran para sa kanilang sebisyon subalit walang anumang interes sa mga transaksyon.
