|
||||||||
|
||
Ipininid kahapon sa Dubai, United Arab Emirates (UAE) ang Ika-10 World Islamic Economic Forum (WIEF) na may temang "Inobatibong Partnership para sa Paglaking Pangkabuhayan."
Sa tatlong araw na porum, humigit-kumulang 3,000 kinatawan mula sa mahigit 100 bansa ang nagtalakayan hinggil sa pinansya, edukasyon, industriya at karapatan ng kababaihan. Nagtalakayan din ang mga mangangalakal mula sa mga bansang Islamiko at di-Islamiko hinggil sa opurtunidad ng pagtutulungan sa industriya ng pagkaing Halal.
Sa seremonya ng pagpipinid, inilahad ni Ahmad Fuzi Abdul Razak, Pangkalahatang Kalihim ng WIEF Foundation ang hinggil sa mga mungkahi na napagkasunduan ng mga kalahok.
Ang katatapos na porum na nasa magkasamang pagtataguyod ng WIEF Foundation na nakabase sa Malaysya at Samahan ng Industriya at Komersyo ng Dubai ay ang unang WIEF na idinaos sa rehiyon ng Gitnang Silangan. Noong 2013, ginanap ang porum sa Britanya, unang bansang di-Islamiko na nagtaguyod sa WIEF. Sa hinaharap, ang mga round table discussion sa ilalim ng WIEF ay idaraos sa Timog Korea, Hapon at Espanya.
Ang unang WIEF ay idinaos sa Kuala Lumpur, Malaysia, noong 2005.
Salin: Jade
© China Radio International.CRI. All Rights Reserved. 16A Shijingshan Road, Beijing, China. 100040 |