Ipinahayag kahapon ni Michel Sapin, Ministro ng Pananalapi ng Pransya na hindi pa napapanahon ang paglilipat ng Mistral-class Amphibious Vessel sa Rusya. Sinabi niyang ang paunang kondisyon para ilipat sa Rusya ang nasabing sasakyang pandigma ay pagganap ng positibong papel ng naturang bansa sa pagpapahupa ng kalagayan sa Ukraine. Aniya, kasalukuyang nananatili pang maigting ang kalagayan sa Ukraine, sa kabila ng lumilitaw na positibong tunguhin.
Ayon sa isang kontratang nagkakahalaga ng 1.2 bilyong Euro na nilagdaan ng Pransya at Rusya, noong 2011, magkasunod na bibigyan ng Pransya ang Rusya ng ganitong uri ng sasakyan sa taong 2014 at 2015.