Hinggil sa CRIHinggil sa Serbisyo Filipino
   

Islands Fiesta, tampok sa Pagtitipon ng ASEAN Ladies Circle

(GMT+08:00) 2014-11-01 17:24:45       CRI

Ambassador Erlinda F. Basilio

Idinaos nitong Huwebes sa Pasuguan ng Pilipinas sa Beijing ang Association of Southeast Asian Nations (ASEAN) Ladies Circle (ALC) Tea Party. Ang ALC ay regular na pagtitipong dinadaluhan ng mga kababaihang diplomata na nanunungkulan sa mga embahada ng ASEAN.

Walang iba kundi si Ambassador Erlinda F. Basilio ang nag-isip ng konsepto ng pagtatanghal. Sa kanyang panalubong na pananalita sinabi niyang "Kung may isang bagay na kilala sa mga Pilipino ito ay ang hilig sa kasiyahan. Marangya ang selebrasyon ng mga pista at pestibal. May malaking handaan sa bawat bahay at maging ang hindi kakilala ay pinatutuloy. Sa panahon ng mga pista, tunay na naipamamalas ang bantog na mainit na pagtanggap ng mga Pilipino sa mga bisita."

Mga bisita na sinubukang isuot ang maskarang karaniwang nakikita sa Maskara Festival ng Bacolod

Tampok sa ALC Tea Party ang pag-awit ng ilang mga kundiman para ipakilala ang harana. Ipinamalas din ng mga kawani ang galing sa pagsasayaw ng folk dance at maikling sampol ng Maskara Festival. At ipinakita rin ang Santa Krusan tampok ang naggagandahang mga dilag ng Philippine Embassy suot ang iba't ibang istilo ng kasuotang Pilipino.

Stagelights, inawit ang Dahil Sa 'Yo para ipakita kung paano manligaw sa pamamagitan ng harana

Ayon kay Lada Phumas ng ASEAN China Center, ang pagtatanghal ay magandang pagkakataon para ipaalam ang mga pestibal sa Pilipinas na ginaganap sa loob ng isang taon.

Sinabi naman ni Felicity Wong ng Brunei Embassy na ang pagtitipon ay napakasigla at nagpapakita ng pagkamalikhain ng mga Pilipino.

Katutubong sayaw tuwing pista na itinanghal ng mga kawani ng Pasuguan ng Pilipinas

Matapos ang programa nagsalu-salo ang mga bisita sa handang inasal, lumpia, pancit, puto, biko, turon at sopas na molo.

Ulat ni Machelle Ramos

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>