Sa Beijing—Nakipagtagpo dito kahapon si Ministrong Panlabas Wang Yi ng Tsina sa kanyang counterpart mula sa Cote d'Ivoire na si Charles Koffi Diby.
Sa ngalan ng kanyang pamahalaan, taos-pusong pinasalamatan ni Koby ang tulong na pondo at materiyal ng pamahalaang Tsino sa mga bansa ng Kanlurang Aprika sa pagpigil at paggagamot ng epidemiya ng Ebola. Aniya, ang mga tulong na ito ay nagpalakas ng kakayahan ng iba't ibang bansa sa pagpigil sa epidemiya, at nagpasigla ng kompiyansa ng mga mamamayang Aprikano sa paglaban sa epidemiya. Hanggang ngayon, walang naganap na epidemiya sa Cote d'Ivoire, ang matapat, mabilis at mabisang pagtulong ng Tsina ang isang mahalagang dahilan.
Ipinahayag naman ni Wang na ang Tsina at Aprika ay mabuting kapatid. Habang nasasalanta ang mga bansang Aprikano ng epidemiya ng Ebola, dapat puspusang tulungan sila ng pamahalaan at mga mamamayang Tsino. Bilang isang umuunlad na bansa, nagsigap ang Tsina, sa abot ng makakaya, para rito.
Sapul nang sumiklab ang epidemiya ng Ebola noong Marso ng kasalukuyang taon, nagkaloob na ang Tsina ng 4 na round ng saklolo sa mga apektadong bansa. Sa kasalukuyan, mahigit 200 dalubhasa at tauhang medikal ang ipinadala sa mga apektadong bansa, at ipinasiya ng panig Tsino na ipadala ang mas maraming dalubhasa at tauhang medikal. Bukod sa tatlong apektadong bansa, napapanahong ipagkaloob ng Tsina ang tulong na pondo't materiyal sa pagpigil sa epidemiya sa 10 bansa na malapit sa mga apektadong rehiyon na kinabibilangan ng Cote d'Ivoire. Samantala, nagbigay din ito ng pondo at pagkatig na politikal sa mga organisasyong pandaigdig at panrehiyon na gaya ng United Nations, World Health Organization, at African Union, para pigilin ang pagkalat ng epidemiya.
Salin: Vera
