Mula ika-12 hanggang ika-14 ng kasalukuyang buwan, lalahok si Premyer Li Keqiang ng Tsina sa isang serye ng mga pulong ng mga lider ng kooperasyon ng Silangang Asya na idaraos sa Nay Pyi Taw, Myanmar. Pormal na dadalaw rin siya sa nasabing bansa.
Kaugnay nito, ipinahayag ni Yang Houlan, Embahador ng Tsina sa Myanmar, na ang gaganaping pagdalaw ni Li ay kauna-unahang pagdalaw ng bagong premyer Tsino, sapul nang buuin ang bagong liderato ng Tsina. Ito ay may mahalagang katuturan para sa pagpapalaganap ng tradisyonal na pagkakaibigan ng dalawang bansa, at pagpapasulong ng kanilang komprehensibo, estratehiko, at kooperatibong partnership. Buong pananabik na inaasahan ni Yang ang bunga ng naturang pagdalaw.
Ani Yang, ang paglahok ni Premyer Li sa serye ng mga pulong ng mga lider ng Silangang Asya ay isang mahalagang aksyon ng diplomasyang pangkapitbansa ng Tsina. Makakabuti ito sa pagpapasulong ng kooperasyon ng rehiyon ng Silangang Asya, at pangangalaga sa kapayapaan at katatagan ng rehiyon.
Salin: Vera