Kaugnay ng pagpapatibay kamakailan ng Pangkalahatang Asembleya ng UN ng resolusyon hinggil sa karapatang pantao ng Hilagang Korea, sinabi kahapon sa Beijing ni Tagapagsalita Hong Lei ng Ministring Panlabas ng Tsina, na tumututol ang Tsina sa nilalaman ng resolusyong ito hinggil sa pagharap ng isyu ng karapatang pantao ng H.Korea sa UN Security Council o International Criminal Court, kaya bumoto ng pagtutol ang kanyang bansa sa resolusyon.
Dagdag pa ni Hong, ipinalalagay ng Tsina na hindi dapat isapulitika ang isyu ng karapatang pantao, at hindi dapat gamitin ang isyung ito para magpataw ng presyur sa ibang bansa.
Salin: Liu Kai