Sa bisperas ng kanyang dalaw-pang-estado sa Fiji, nagpalabas kahapon si Pangulong Xi Jinping ng Tsina ng artikulo sa dalawang pahayagan ng bansang ito na Fiji Times at Fiji Sun.
Sinabi ni Xi na malaliman ang pagkakaibigan ng Tsina at Fiji, madalas ang pagpapalagayan ng dalawang bansa sa iba't ibang antas, at mabunga ang kanilang kooperasyon. Umaasa siyang sa pamamagitan ng kanyang pagdalaw na ito, patataasin sa bagong lebel ang relasyon ng Tsina at Fiji.
Ipinahayag din ni Xi na gusto ng mga mamamayang Tsino na maging kaibigan ng mga mamamayan ng Fiji at iba pang island countries sa Pasipiko. Aniya, patuloy na palalawakin ng Tsina ang pakikipagtulungan sa mga bansang ito, at tutulungan sila sa paglutas sa mga problema, para isakatuparan ang komong kaunlaran at win-win result.
Salin: Liu Kai