Nag-usap ngayong araw sa Nadi, Fiji, sina Pangulong Xi Jinping ng Tsina at Punong Ministro Josaia Uoreque Bainimarama ng Fiji, para pasulungin ang mga pagpapalitan at kooperasyon ng dalawang panig.
Ipinahayag ni Xi ang pagtanggap ng pagpapalaki ng pagluluwas ng Fiji sa Tsina. Sinabi pa niya na pasisiglahin ng Tsina ang paglalakbay ng mas maraming Tsino sa Fiji at pamumuhunan ng bahay-kalakal sa bansang ito.
Bukod dito, pinasalamatan ni Xi ang pagtulong ng Fiji sa paglaban ng Tsina sa korupsyon at umaasa aniya siyang patuloy na pahihigpitin ng dalawang bansa ang kooperasyon sa pagpapatupad ng batas.
Pinasalamatan din ni Josaia Uoreque Bainimarama ang pagtulong ng Tsina sa pag-unlad ng kabuhayan ng Fiji.
Nakahanda aniya siyang pahigpitin, kasama ng Tsina, ang pagpapalagayang pulitikal, kooperasyong pangkabuhayan at pangkalakalan, at pagpapalitan ng kultura.
Sumang-ayon pa sila sa pagpapahigpit ng kooperasyon ng dalawang bansa sa mga suliraning may kinalaman sa Pacific Ocean.
Ayon sa kanilang pag-usap, patuloy na magbibigay ang Tsina ng mga tulong sa Fiji na may kinalaman sa agrikultura, kalusugan, small hydropower, konstruksyon ng imprastruktura, at pagharap sa pagbabago ng klima.
