|
||||||||
|
||
Naganap kahapon, alas-kuwatro singkuwenta'y uno ng hapon (Beijing time), ang isang lindol sa Kangding County, Ganzi Tibetan Autonomous Prefecture sa Lalawigang Sichuan ng Tsina. Ang nasabing lindol ay may lakas na 6.3 sa richter scale. Hanggang alas-11:30 ngayong umaga, 4 katao ang nasawi sa kalamidad, at 54 na iba pa ang nasugatan. Bukod dito, mahigit 79,500 mamamayan ang apektado ng lindol. Nasira ang mga pabahay ng mahigit 25 libong pamilya.
Pagkaraang maganap ang lindol, agarang nagbigay-atas si Xi Jinping, Pangkalahatang Kalihim ng Komite Sentral ng Partido Komunista ng Tsina (CPC), at Pangulo ng bansa, sa lalawigang Sichuan at mga may-kinalamang departamento na mabilisang organisahin ang mga puwersa para puspusang isagawa ang gawaing panaklolo at bawasan, hangga't makakaya ang human casualty.
Hiniling din ni Premyer Li Keqiang ng Tsina na agarang imbestigahan ang kalagayan ng kalamidad, at buong sikap na isagawa ang gawaing panaklolo.
Salin: Li Feng
© China Radio International.CRI. All Rights Reserved. 16A Shijingshan Road, Beijing, China. 100040 |