Hinggil sa CRIHinggil sa Serbisyo Filipino
   

Seguridad ng Santo Papa at mga mamamayan, prayoridad

(GMT+08:00) 2014-11-27 18:14:27       CRI

PAGHAHANDA SA PAGDALAW NI POPE FRANCIS PINAG-IBAYO.  Ipinaliwanag ni Undersecretary Jess Yu ng Presidential Communications Operations Office ang detalyes ng paghahanda sa pagdalaw ni Pope Francis sa Enero ng 2015.  Prayoridad ang seguridad ng panauhin at mga mamamayang dadalos sa pagtitipon, dagdag naman ni Ambassador Marcelino Paynor.  (Melo Acuna)

SINABI ni Ambassador Marciano Paynor na prayoridad ng Pamahalaan ng Pilipinas ang seguridad ng Santo Papa, Pope Francis at ng mga mamamayang Pilipino sa napipintong pagdalaw mula sa ika-15 hanggang ika-19 ng Enero, 2015.

Sa isang panayam na idinaos sa Media Center sa Knights of Columbus, sinabi ni Ambassador Paynor na inutusan sila ni Pangulong Benigno Simeon C. Aquino III na tiyakin ang kaligtasan ng pinuno ng Simbahang Katoliko at head of state ng Vatican City at ng mga Pilipinong dadalo sa iba't ibang okasyon mula sa Official Reception sa Palasyo Malacanang, Misa sa Katedral ng Maynila at pagsasalita sa mga pamilya sa Mall of Asia sa ika-16 ng Enero, sa Misa sa Paliparan ng Tacloban, pagdalaw sa mga nasalanta ng bagyong "Yolanda" sa Palo, Leyte sa ika-17 ng Enero, pagsasalita sa mga kabataan sa University of Santo Tomas at sa Misa sa Luneta sa ika-18 ng Enero at hanggang sa kanyang paglisan sa umaga ng Lunes, ika-19 ng Enero pabalik sa Roma.

Magugunitang may mga nagbalak maghasik ng lagim noong 1995 sa pagdalaw ni Pope John Paul II sa Maynila na kinatampukan ng tinaguriang "Oplan Boijnka" na layuning mapaslang ang panauhin ng Pilipinas.

Ipinaliwanag ni Ambassador Paynor na mayroong koordinasyon ang Simbahang Katolika sa Pilipinas at ang pamahalaan. Walang ibinigay na detalyes kung saan daraan ang motorcade sa kanyang pagdating sa ika-15 ng Enero mula sa Colombo, Sri Lanka patungo sa Apostolic Nunciature sa Taft Avenue sa Maynila. Ipinaliwanag pa ng kinatawan ng Malacañang na ihahayag nila ang lahat sa oras na matapos na ang kanilang mga paghahanda.

Inaasahang higit sa anim na milyong Filipino ang dadalo sa mga okasyong dadaluhan ni Pope Francis sa darating na Enero.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>