NAGING makabuluhan ang dalawang araw na pagpupulong ng mga guidance counselor sa iba't ibang paaralan saklaw ng Simbahang Katolika. Sinuri ang kalagayan ng mga supling ng mga manggagawang na sa ibang banya.
Ayon kay G. Edmundo Ruga, ang Luzon Coordinator ng Episcopal Commission on Migrants and Itinerant People at ng Sons and Daughters of OFWs, lumabas ang mga suliranin sa mga supling ng mga manggagawang nasa ibang bansa.
Sa pagbuo ng palatuntunan para sa mga supling ng mga OFWs, makikilahok na ang mga bubuo ng diocesan desks, binabalak din nilang makasama sa mga pampublikong paaralan sa programa sapagkat may mga problema ring kinakaharap ang mga mag-aaral.
Sa tamang paggabay sa mga kabataan, mababawasan ang mga pasaway na anak ng mga mga OFW. Ang tingin ng mga kabataang nasa high school, ay pinabayaan sila ng kanilang mga magulang.
Subalit sa likod ng mga problemang kaakibat ng pagkawala ng ina o ama sa tahanan ay mayroon pa ring mga matatagumpay sa pag-aaral tulad ng isang naging finalist sa Metro Manila Film Festival noong 2013 na pinamagatang "Ang Huling Balikbayan Box."
Nagulat umano ang mga kalahok sa pagtitipon na higit na tumataas ang bilang ng mga manggagawang nangingibang-bansa. Sa kanilang pagsusuri, madaragdaragan pa ang mga magtutungo sa ibang bansa dahilan sa kawalan ng hanapbuhay sa Pilipinas.
