Sa kanyang keynote speech na pinamagatang "Pagpapahigpit ng Pagtutulungan at Magkasamang Paghawak sa Kapahamakan" sa unang diyalogo sa antas ng Chief of General Staff ng mga bansang Timog Asya at Timog-Silangang Asya na idinaos kamakailan sa Colombo, Sri Lanka, tinukoy ni Wang Ning, Pangalawang Puno ng Estado Mayor ng Tsina, na sa harap ng mabilis na globalisasyong pangkabuhayan, malubha ang banta sa larangan ng di-tradisyonal na seguridad. Aniya, nakahanda ang hukbong Tsino na magsikap, kasama ng ibat-ibang counterpart, para magkasamang harapin ang hamong dulot ng mga natural na kapahamakan; at pangalagaan ang katatagan, kapayapaan at kaunlarang pangkabuhayan ng rehiyon.
Dumalo sa nasabing pulong ang mga kinatawan mula sa Malaysia, Thailand, India, at Sri Lanka. Ang Tsina at Rusya naman ay mga bansang tagamasid sa pulong.