Magkahiwalay na idinaos kahapon sa Moscow, Rusya, ang pulong ng Supreme Council ng Eurasian Economic Commission (EEC), at pulong ng Konseho ng Collective Security Treaty Organization (CSTO). Lumahok sa dalawang pulong na ito ang mga lider ng Rusya, Belarus, Kazakhstan, Armenia, Kyrgyzstan, at Tajikistan.
Sa pulong ng EEC, itinakda ng mga bansa ang time table hinggil sa pagtatatag ng mga nagkakaisang pamilihan ng iba't ibang produkto na gaya ng gamot, koryente, langis, at natural na gas, sa ilalim ng Eurasian Economic Union.
Sa pulong naman ng CSTO, ipinahayag ng mga bansa na dapat palakasin ang kanilang kolektibo at koordinadong aksyon, bilang tugon sa nagbabagong sistemang panseguridad ng daigdig. Tinalakay din nila ang hinggil sa pagtatatag ng mga sentro ng makataong tulong.
Salin: Liu Kai