Kaugnay ng insidente ng panggagahasa sa isang babaeng Tsino sa Jakarta International Airport, ipinahayag ngayong araw ng isang namamahalang tauhan ng Embahadang Tsino sa Indonesia, na lubos nitong ikinababahala ang insidenteng ito. Agaran namang nagkaloob ng proteksyon at tulong sa naturang babaeng Tsino ang nasabing opisyal.
Iniharap na ng embahadang Tsino ang solemnang representasyon sa Ministring Panlabas at panig pulisya ng Indonesia, at awtoridad ng paliparan. Mahigpit nitong hinihiling sa panig Indones na komprehensibong imbestigahan ang kasong ito, at mahigpit na parusahan ang mga may-kagagawan. Bukod dito, hinihiling din nito sa panig Indones na isagawa ang mga mabisang hakbangin para maigarantiya ang seguridad ng mga mamamayang Tsino sa Indonesia.
Salin: Li Feng