Kaugnay ng mga paksa ng di-pormal na pulong ng mga ministrong panlabas ng ASEAN na idinaos kahapon sa Malaysia, ipinahayag ngayong araw sa Beijing ni Tagapagsalita Hua Chunying ng Ministring Panlabas ng Tsina, na kumakatig ang kanyang bansa sa pagtatatag ng ASEAN Community, at sa namumunong papel ng ASEAN sa kooperasyon ng Silangang Asya.
Sinabi rin ni Hua na ang ASEAN ay priyoridad ng diplomasya ng Tsina. Nakahanda aniya ang Tsina, kasama ng ASEAN, na pasulungin ang pragmatikong kooperasyon at palalimin ang pulitikal na pagtitiwalaan, para walang humpay na pataasin ang kanilang estratehikong partnership.
Salin: Liu Kai