Lansangan ng pusa, pinasinayaan sa Xiamen

Ang lansangang komersyal sa Ding'aozai, sa lunsod ng Xiamen ng Lalawigang Fujian sa dakong timog ng Tsina ay nagtatampok ng mga bagay na may kinalaman sa pusa.

Sinabi ni Guo Shaoting, puno sa social security sa lokalidad na sa lansangang ito, malalaman at mararanasan ng mga turista ang kaalaman na gaya ng pag-uugali at katangian ng mga pusa.

Sa kasalukuyan, saanman sa lansangan na tulad ng pader, poste ng ilaw, bintana ng mga restawran ay makikita ang makukulay na pusang kartun.

Napag-alamang ang lansangang Ding'aozai at ang Xiamen sa kabuuan ay masasabing paraiso ng iba't ibang uri ng pusa. Mayroon silang lahing lokal at dayuhan. Karamihan sa mga pusang may lahing dayuhan ay dinala sa Tsina ng mga overseas Chinese mula sa Timog-silangang Asya.

Kung super-fan kayo ng pusa at interesado kayo sa matanawing Xiamen, puwede kayong mag-eroplano mula sa Maynila.

Ang Xiamen Airlines o XiamenAir, na nakabase sa Fujian Province, ay maglulunsad ng Xiamen-Manila flights simula ika-8 ng Pebrero ng taong ito. May isang flight bawat araw sa rutang ito.

Kabilang sa ibang airline companies ng Tsina at Pilipinas na may direktang flight mula sa Xiamen patungong Maynila ay Philippine Airlines, Cebu Pacific at China Southern Airlines.

 (Litrato mula sa http://www.chinanews.com at http://www.mnw.cn)

Salin: Jade