Bilang tugon sa iniulat na pagdalo ni Dalai Lama sa National Prayer Breakfast ng Amerika sa ika-5 ng buwang ito, ipinahayag ni Hong Lei, Tagapagsalita ng Ministring Panlabas ng Tsina na, ang isyu ng Tibet ay may kinalaman sa nukleong interes at damdamin ng sambayanang Tsino.
Ipinagdiinan niyang tutol na tutol ang Tsina sa pakikialam ng ibang bansa sa suliraning panloob ng Tsina sa pagmamagitan ng isyu ng Tibet. Tutol na tutol din aniya ang Tsina sa pakikipagtagpo ng sinumang lider na dayuhan kay Dalai, sa anumang paraan.
Ipinahayag din niya ang pag-asang susundin ng Amerika ang mga pangako nito sa isyu ng Tibet at tumpak na hawakan ang isyung ito, batay sa panlahat na kalagayan ng relasyong Sino-Amerikano.
Salin: Jade