Binuksan kahapon sa Quanzhou, lunsod ng lalawigang Fujian sa dakong timog-silangan ng Tsina ang dalawang-araw na Pandaigdig na Seminar sa 21st Century Maritime Silk Road. Ang tema ng seminar ay "Magkakasamang Pagtatatag ng 21st Century Maritime Silk Road at Paglikha ng Komunidad na May Komong Tadhana."
Kalahok ang mga dalubhasa mula sa iba't ibang bansa sa diskusyon sa Seminar
Kalahok dito ang mahigit 280 academics at dalubhasa mula sa 30 bansa para magtalakayan hinggil sa pagpapasulong ng pagtatatag ng imprastrukturang pangkalakalan sa karagatan para maisakatuparan ang komong kaunlaran at kasaganaan ng mga may kinalamang bansa.
Noong 2013, iniharap ng Tsina ang dalawang proposal hinggil sa magkakasamang pagtatatag ng Silk Road Economic Belt at 21st Century Maritime Silk Road na tinatawag ding "One Belt and One Road Initiative."
Ang land-based na Silk Road Economic Belt na nagsisimula sa Tsina ay dumadaan sa Central Asia at Rusya, hanggang sa Europa. Samantala, ang 21st Century Maritime Silk Road ay nagsisimula rin sa Tsina, patimog sa teritoryo ng mga bansa ng Timog-silangang Asya. Mula naman sa Malacca Strait, tumutungo pakanluran ang Maritime Silk Road sa mga bansa sa baybayin ng Indian Ocean. Pagkatapos, dumadaan ito sa Gitnang Silangan at Silangang Aprika at nag-uugnay sa land-based Silk Road sa Venice.
Photo source: Xinhua
Salin: Jade
