Naganap kahapon sa Al-Gubba, lunsod sa silangang Libya, ang tatlong car bombings na ikinamatay ng 40 katao, at ikinasugat ng maraming iba pa.
Ang naturang tatlong pagsabog na magkakahiwalay na naganap malapit sa punong himpilan ng lokal na departamentong panseguridad, tahanan ng ispiker ng Mababang Kapulungan ng Libya, at isang gas station. Umangkin ng responsibilidad ang Islamic State (IS) sa unang dalawang pagsabog, bilang paghihiganti sa air raid na isinagawa ng panig militar ng Libya sa kanila. Pero, hindi nilang binanggit ang iyong pagsabog sa gas station.
Pagkaraang maganap ang naturang mga pagsabog, sa pamamagitan ng kanyang tagapagsalita, ipinahayag ni Pangkalahatang Kalihim Ban Ki-moon ng UN ang pagkondena sa mga ito. Ipinahayag din niya ang pakikiramay sa mga kamag-anakan ng mga nabiktima at mga mamamayan ng Libya. Aniya pa, dapat lutasin ang krisis sa Libya sa lalong madaling panahon, para mapanumbalik ang kapayapaan at katatagan, at mabigyang-dagok ang terorismo.
