|
||||||||
|
||
Hinimok kahapon ng Tsina ang pamalahalaan ng Pilipinas na manatiling makatwiran sa Chinese State Grid Corporation of China (SGCC), kompanyang Tsino na nag-ambag sa pagtatayo ng national power grid ng Pilipinas.
Winika nito ni Hong Lei, Tagapagsalita ng Ministring Panlabas ng Tsina, sa isang regular na preskon, bilang tugon sa naiulat na desisyon ng Pamahalaang Pilipino.
Sinabi kamakailan ni Jericho Petilla, Kalihim ng Enerhiya ng Pilipinas na ititigil ng pamahalaang Pilipino ang pakikipagtulungan ng SGCC sa National Grid Corporation of the Philippines (NGCP), dahil sa pambansang panseguridad. Ang mga teknisyang Tsino na nagtatrabaho sa NGCP ay pauuwiin din sa Tsina, sa Hulyo ng taong ito. Pero, sinabi rin niyang magkakaroon pa rin ng 40% share ang SGCC sa NGCP.
Idinagdag ng tagapagsalitang Tsino na noong 2007, nag-bid ang SGCC at nakakuha ito ng 25 taong franchise ng national transmission grid.
Ipinagdiinan din ni Hong na masasabing malaki ang iniambag ng SGCC sa pambansang plano ng Pilipinas na isakatuparan ang self-sufficiency ng koryente ng bansa.
Umaasa aniya siya ang Tsina na hahawakan ng panig Pilipino ang isyung ito sa makatwiran at pantay na paraan para mapangalagaan ang interes ng nasabing kompanyang Tsino at makalikha ng paborableng kapaligirang pampuhunan para sa mga dayuhan.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |