Sa news briefing na idinaos kahapon sa New York, bilang kasalukuyang tagapangulo ng UN Security Council (UNSC), nilagom ni Liu Jieyi, Pirmihang Kinatawan ng Tsina sa UN, ang mga gawain ng UNSC sa buwang ito.
Sinabi ni Liu na sa buwang ito, idinaos ng UNSC ang 20 bukas na pulong at 15 saradong talakayan, kung saan sinuri ang mahigit 20 paksa hinggil sa kasalukuyang mga mainitang isyung pandaigdig, at pinagtibay ang 7 resolusyon at 2 pahayag.
Sinabi rin ni Liu na noong ika-23 ng buwang ito, sa pagtataguyod ng panig Tsino, idinaos ng UNSC ang isang bukas na debatehan na nilahukan ni Pangkalahatang Kalihim Ban Ki-moon ng UN, Ministrong Panlabas Wang Yi ng Tsina, at mga kinatawan mula sa mahigit 80 kasaping bansa ng UN. Ayon kay Liu, narating sa debatehang ito ang komong palagay hinggil sa paggigiit sa UN Charter, at paghahanap ng mga mabisang paraan para pangalagaan ang kapayapaan at katiwasayan ng daigdig sa ilalim ng bagong kalagayan.