Hinggil sa CRIHinggil sa Serbisyo Filipino
   

Magsasakang detinido, napalaya

(GMT+08:00) 2015-03-02 18:45:51       CRI

MATAPOS ang higit sa tatlong buwang pagkakapiit sa isang military camp, napalaya ng hukuman ang isang Elpidio Romanca matapos makapaglagak ng piyansa.

Isang taga-Basey, Western Samar, dinakip si Romanca noong nakalipas na Nobyembre matapos pagdudahang kasapi ng New People's Army sa Barangay Mabini, Basey.

Nagtamo ng tama ng bala sa kanyang ulo at sa kanang hita nang diumano'y basta na lamang nagpaputok ang mga kawal sa kanyang tahanan matapos ang sinasabing sagupaang kinatampukan ng New People's Army. Inakusahan si Romanca ng illegal possession of firearms and ammunications sa Regional Trial Court ng Basey.

Pinamunuan ni Chief Public Attorney Persida V. Rueda-Acosta at ni Atty. Zacarias Duquilla, ang PAO lawyer na nakatalaga Regional Trial Court Branch 30 ang pagtatanggol kay Romanca at napababaan ang piyansa mula sa P 200,000 sa halagang P 50,000.

Sinabi ni Atty. Acosta na isang mahirap na magsasaka si Romanca at mayroong guidelines ang Corte Suprema sa mga karapatan ng mga akusado na makapagpiyansa at magkaroon ng madaliang paglilitis.

Hindi naman humadlang ang public prosecutor subalit ang Judge Advocate ng Armed Forces of the Philippines Paul Avila ay kumontra ay nagsabing ang piyansa ay nararapat sa halagang P 100,000. Hiniling ng hukuman kay Karapatan deputy national secretary general Romeo Clamor na tiyaking dadalo sa mga paglilitis ang aksuado.

Sinabi ni Clamaor na mula sa isang human rights organization, tinanggihan sila ng AFP na dalawin si Romanca sa Fort Bonifacio, Taguig City.

Sumang-ayon si Judge Tarcelo A. Sabarre, Jr. ng RTC Branch 30, Basey, Samar sa kahilingang babaan ang itinakdang piyansa sa halagang P 50,000 at nag-utos ng pagpapalaya sa detenido mula sa kamay ng mga militar. Dumalo ang maybahay ni Romanca at ang kanilang tatlong supling.

Idaraos ang susunod na pagdinig sa buwan ng Mayo, 2015.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>