Ipinahayag kahapon sa Beijing ni Hua Chunying, Tagapagsalita ng Ministring Panlabas ng Tsina, na alinsunod sa tradisyon ng Tsina at komunidad ng daigdig, ilang maringal na aktibidad ang isasagawa ng Tsina, sa kasalukuyang taon, bilang paggunita sa ika-70 anibersaryo ng tagumpay ng Chinees People's War of Resistance Against Japanese Aggression at World Anti-Fascist War, kabilang dito ang seremonya ng paggunita, paradang militar, resepsyon at pagtatanghal. Dadaluhan aniya ang mga ito ng mga lider Tsino at imbitadong lider ng may-kinalamang bansang dayuhan at organisasyon pandaigdig.
Sinabi ni Hua na bilang pangunahing purok-digmaan ng WWII sa gawing silangan at pinakamahabang tumatagal na bahagi ng WWII, gumawa ang Tsina ng mahalagang ambag sa pagbuo at pagtatatag ng alyansang pandaigdig laban sa Pasismo at nag-alay din ito ng maraming mga buhay. Ani Hua, ang nasabing isasagawang aktibidad ay para isaisip ang kasaysayan, maalaala ang mga nag-alay ng kanilang sarili, pahalagahan ang kayapaan at lumikha ng mas magandang hinaharap ng buong sangkatauhan.