Nag-usap kahapon sa telepono sina Wang Yi, Ministrong Panlabas ng Tsina, at John Kerry, Kalihim ng Estado ng Amerika. Nagpalitan sila ng palagay hinggil sa relasyong Sino-Amerikano.
Kapwa ipinahayag nina Wang at Kerry na mahalaga ang gagawing pagdalaw ni Pangulong Xi Jinping ng Tsina sa Amerika sa darating na Setyembre ng taong ito. Anila, lubos na gagawin ng dalawang bansa ang paghahanda para sa pagdalaw na ito.
Dagdag pa ng dalawang opisyal, sa susunod na yugto, isasagawa ng Tsina at Amerika ang mas maraming pagpapalagayan sa iba't ibang antas, at palalakasin ang koordinasyon sa mga isyung bilateral at mga mainit na isyung pandaigdig.