Sa Beijing — Sa kanyang pakikipagtagpo ngayong araw kay Pornpetch Wichitcholchai, Presidente ng National Legislative Assembly ng Thailand, sinabi ni Pangalawang Pangulong Li Yuanchao ng Tsina na sa mahabang panahon, iginagalang at kinakatigan ng dalawang bansa ang isa't-isa, at natamo ng kanilang kooperasyong may mutuwal na kapakinabangan ang mayamang bunga. Umaasa aniya siyang patuloy na mapapalakas ng dalawang bansa ang kanilang pragmatikong kooperasyon sa iba't-ibang larangan para mapasulong pa ang komprehensibong estratehikong partnership ng dalawang bansa.
Sinabi naman ni Pornpetch Wichitcholchai na umaasa ang panig Thai na mapapalakas ang mapagkaibigang kooperasyong Thai-Sino sa mga larangang gaya ng daambakal at imprastruktura.
Salin: Li Feng