Xi Jinping, bumibigkas ng keynote speech
Idinaos ngayong araw sa Boao, Tsina, ang seremonya ng pagbubukas ng taunang pulong ng Boao Forum for Asia (BFA). Kaugnay ng tema ng kasalukuyang taunang pulong na "Asia's New Future: Towards a Community of Common Destiny," bumigkas ng keynote speech si Pangulong Xi Jinping ng Tsina.
Sinabi ni Xi na para itatag ang Community of Common Destiny, dapat isakatuparan ang paggagalangan at pagkakapantay-pantay ng iba't ibang bansa, dapat igiit ang kooperasyong may win-win result at komong pag-unlad, dapat pangalagaan ang komon, komprehensibo, kooperatibo, at sustenableng seguridad, at pasulungin ang sabay-sabay na pag-iral ng iba't ibang sibilisasyon.
Sinabi rin ni Xi na igigiit ng Tsina ang mapayapang pag-unlad. Nakahanda aniya ang Tsina, kasama ng lahat ng mga bansang nakapaligid, na lagdaan ang Treaty of Good-Neighborliness and Friendly Cooperation, bilang garantiya sa pag-unlad ng bilateral na relasyon, at sa kasaganaan at katatagan ng rehiyong ito.
Xi Jinping at mga lider ng ibang bansa na kalahok sa BFA
Kaugnay ng rehiyonal na kooperasyong pangkabuhayan, sinabi ni Xi na magsisikap ang Tsina, kasama ng ASEAN, para tapusin sa taong ito ang talastasan hinggil sa upgraded version ng China-ASEAN Free Trade Area (CAFTA) at talastasan hinggil sa Regional Comprehensive Economic Partnership (RCEP). Aniya pa, magsisikap din ang ASEAN, Tsina, Hapon, at Timog Korea para itatag ang East Asian Economic Community sa taong 2020.
Kaugnay naman ng pagtatatag ng Silk Road Economic Belt at 21st Century Maritime Silk Road o "One Belt One Road," at Asian Infrastructure Investment Bank (AIIB), sinabi ni Xi na ang dalawang bagay na ito ay komplemento, sa halip ng kahalili, sa kasalukuyang mga mekanismo at mungkahi hinggil sa kooperasyong panrehiyon. Dagdag pa niya, ang mga ito ay bilang tugon sa pangangailangan sa pag-unlad ng Tsina at iba't ibang kalahok na bansa, at angkop sa komong interes ng iba't ibang panig.
Salin: Liu Kai
