Sa magkahiwalay na okasyon, kinatagpo kahapon nina Premyer Li Keqiang at Pangalawang Ministro ng pananalapi Zhu Guangyao ng Tsina ang dumadalaw na Kalihim ng Pananalapi ng Amerika na si Jacob Lew.
Ipinahayag ni Zhu na ang kasalukuyang biyahe ni Jacob Lew ay naglalayong bigyang-preparasyon ang gagawing Strategic and Economic Dialogue ng Tsina at Amerika sa darating na Hunyo at dalaw na pang-estado ni Pangulong Xi Jinping ng Tsina sa Amerika sa Setyembre.
Ipinahayag din ni Zhu na buong pagkakaisang ipinalalagay ng Tsina at Amerika na sa kasalukuyan, hindi pa lumitaw ang matatag at maliwanag na signal sa pag-ahon ng kabuhayang pangdaigdig, kaya, ang pagsasakatuparan ng koordinasyon ng Tsina at Amerika sa patakarang pangkabuhayan at kani-kanilang paglaki ng kabuhayan ay may mahalagang katuturan sa paglaki ng kabuhayang pandaigdig.
Sinabi ni Zhu na positibo ang Amerika sa pagtatatag ng Asian Infrastructure Investment Bank na itinaguyod ng Tsina at may pag-asa itong makikipagtulungan sa bangkong ito para pasulungin ang konstruksyon ng imprastruktura. Positibo aniya ang Amerika sa mas mahalagang papel ng Tsina sa mga suliraning pangkabuhayan ng daigdig.