Idinaos kahapon sa Jakarta, Indonesia, ang Ika-16 na Pulong ng Kooperatibong Lupon ng Tsina at ASEAN para lagumin ang karanasan ng mga kooperasyon ng dalawang panig nitong nagdaang yugto at itakda ang mga pangunahing pokus ng kanilang kooperasyon sa susunod na yugto.
Ipinahayag ni Yang Xiuping, Embahador Tsino sa ASEAN, na winelkam ng kanyang bansa ang pagtatatag ng ASEAN Community sa katapusan ng taong ito at nakahandang pasulungin ang pagiging mas mahigpit ng relasyon ng dalawang panig.
Sinabi niya na sa taong 2015, nakahanda ang Tsina na buong sikap na isagawa ang mga gawain na kinabibilangan ng pagsasakatuparan ng mga nagkakaisang posisyon na narating sa ika-17 pulong ng mga lider ng China at ASEAN o "10+1", pagdaraos ng mga aktibidad hinggil sa kooperasyong pandagat ng dalawang panig, pagtatakda ng action plan ng dalawang panig mula taong 2016 hanggang 2020, at pagpapalalim ng kanilang estratehikong partnership.
Ipinahayag ng mga kalahok na kinatawan ng ASEAN na umaasa silang matatapos ang talastasan ng dalawang panig hinggil sa pagpapataas ng antas ng China ASEAN Free Trade Area (CAFTA) sa nakatakdang panahon, at itatatag ang Asian Infrastructure Investment Bank (AIIB) sa lalong madaling panahon.
Bukod dito, ipinahayag din nilang nakahanda ang ASEAN na palalimin ang komprehensibong kooperasyon sa Tsina at pasulungin ang estratehikong partnership ng dalawang panig.
Sa pulong na ito, inilahad ni Yang ang kalagayan ng konstruksyon ng "Silk Road Economic Belt at 21st Century Maritime Silk Road" ("One Belt and One Road"). Sinabi niya na ang naturang proyekto ay mayroong komong kapakanan sa konstruksyon ng ASEAN Community at nakakabuti rin sa pag-unlad ng imprastruktura at kabuhayang pandagat ng ASEAN.
Ipinahayag pa niya ang pagtanggap ng paglahok ng ASEAN sa konstruksyon ng One Belt and One Road".
