|
||||||||
|
||
Bilang bahagi ng Ika-40 anibersaryo ng pagkakatatag ng Relasyong Sino-Filipino, isang Filipino Martial Arts (FMA) Seminar/Workshop ang idinaos kahapon sa Tuan Jie Hu Park, Beijing.
Si Lampel Joy Solis
Sa pangunguna ng Arnis China, isang Pilipinong Guro na si Lampel Joy Solis at suporta ng Embahada ng Pilipinas sa Beijing, ibinahagi ni Rhio M. Zablan, Tagapagtatag at Punong Guro ng Arnis China ang FMA sa mga kaibigang Tsino't iba pang dayuhan na lumahok sa nasabing aktibidad.
Si Ivan Frank Olea
Sa kanyang pambungad na talumpati, sinabi ni Ivan Frank Olea, First Secretary at Consul ng Embahadang Pilipino sa Beijing, mahigit libong taon na ang kasaysayan ng relasyon ng Tsina't Pilipinas.
Aniya pa, marami ang mabuting impluwensya ng Tsina sa pamumuhay at tradisyon ng mga Pilipino.
Sa pamamagitan aniya ng workshop na ito, maipapakita ng mga Pilipino ang pasasalamat sa mga Tsino.
Si Rhio M. Zablan
Ayon naman kay Rhio M. Zablan, lalo pang mapapalakas ng FMA ang bigkis ng pagkakaunawaan at pagkakaibigan sa pagitan ng mga Pilipino't Tsino.
Aniya, ang FMA ay ang Pambansang Laro ng Pilipinas at itinuturing na pinakamahalagang pamanang kultural ng Pilipinas sa mundo, kaya sa pamamagitan ng pagtuturo nito sa mga kaibigang Tsino, mas lalalim ang pagkakaunawa ng mga Tsino sa kultura at tradisyon ng Pilipinas, at gayon din ang mga Pilipino sa kultura at paniniwala ng mga Tsino.
Ang mga kalahok sa nasabing aktibidad ay mula sa mga gym, paaralan, pribadong kompanya, at iba pang sirkulo ng lipunan ng Tsina.
Ang FMA ay kilala rin sa tawag na Arnis/Eskrima/Kali.
/wakas/andrea//
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |