Hinggil sa CRIHinggil sa Serbisyo Filipino
   

Paramount Pictures, gagawa ng 3D film version ng Journey to the West

(GMT+08:00) 2015-04-16 16:54:22       CRI
Pinasinayaan kahapon sa Beijing ang magkasamang paggawa ng 3D film version ng kilalang klasikong Tsino na Journey to the West ng Paramount Pictures ng Amerika at ilang film companies ng Tsina.

Ang poster ng 3D film version ng Journey to the West

Sinabi ni Rob Moore, Vice President ng Paramount Pictures na ang Sun Wukong, o Monkey King, isa sa mga pangunahing character ng Journey to the West, ay isang warrior na kilala sa buong mundo. Mahiwaga rin aniya ang istoryang ito at bagay na bagay itong itanghal sa pamamagitan ng makabagong teknolohiya. Idinagdag din ni Moore na gagamitin ng Paramount sa pelikulang Journey to the West ang mga teknolohiya ng special effects na ginamit sa serye ng Transformers at Terminator 6.

Ipinahayag naman ni Liu Xiao Ling Tong, alagad ng sining na Tsino na kilala sa pagganap bilang Monkey King, isa sa pangunahing bida ng Journey to the West, ang kanyang pag-asang pagsasamahin ng gagawing pelikula ang tradisyonal na sining na silanganin at pinakahuling teknolohiyang kanluranin.

Si Liu Xiao Ling Tong (nakapula ), alagad ng sining na Tsino na kilala sa pagganap bilang Monkey King; at si Rob Moore, Vice President ng Paramount Pictures (ikatlo sa kanan)

Ang Journey to the West, nobelang inilathala noong ika-16 na siglo sa Dinastiyang Ming ng Tsina ay isa sa apat na panitikang klasikong Tsino. Inilalarawan ng nobelang ito ang biyahe ni Tang Sanzang, isang mongheng Budista na Tsino, kasama ang kanilang tatlong tagasunod na sina Sun Wukong, Zhu Wuneng at Sha Wujing, at isang dragon prince na nagsisilbi bilang kabayo ni Tang Sanzang, papuntang India para makuha ang banal na teksto ng Budismo. Marami silang nararanasang pagsubok at pagdurusa sa biyaheng ito.

Ang teleserye ng Journey to the West ay inilabas ng Tsina noong 1986. Itinuturing itong klasiko sa kasaysayan ng telebisyon sa Tsina. Napanood ito ng mahigit 6 na bilyong tao sa buong mundo. Mayroon na ring ilang mga bersyon ang kuwento na isina-pelikula.

Tagapagsalin: Jade
Tagapagpulido: Mac
Tagapag-edit sa mga larawan: Sarah

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>