NANAWAGAN si Vice President Jejomar C. Binay sa mga pinuno ng mauunlad na bansa sa Asia at Africa na ipagtanggol ang mga kalapit bansa sa halip na pag-mulan ng pangamba.
Binalikan ni G. Binay ang mga alituntuning ipinasa noong unang Bandung Conference na nagsusulong ng kapayapaan at nasasakupan ng mga bansa segun sa kanilang mga hangganan sapagkat ang mga ito ang pinakapananggalang ng mahihirap sa malalakas na bansa.
Binasan ni G. Binay ang posisyon ng Pilipinas sa ika-10 anibersaryo ng New Asian-African Strategic Partnership at paggunita sa ika-60 anibersaryo ng Bandung Conference na nagpapakita ng relasyon ng mga bansang kabilang sa "Global South."
Idinagdag pa niya na ang pakikipagtulungan sa Group of 77 at sa Non-Aligned Movement, ang mga bansa sa Asia at Africa ay may mahalagang papel na gagampanan sa pagsusulong ng isang daigdig na walang pagkagutom, kamangmangan, terorismo at digmaan. Magsasanib ang agham at sining upang higit na umunlad ang mga bansa.