|
||||||||
|
||
IBINALITA ng Malacanang ang pagkakahirang ni Pangulong Benigno Simeon C. Aquino III kay Atty. Andres Bautista bilang chairman ng Commission on Elections.
Si Bautista ang kapalit ni Chairman Sixto Brillantes na nagretiro na noong ikalawang araw ng Pebrero.
Bago nahirang na Comelec Chair, naglingkod si Atty. Bautista bilang Chairman ng Presidential Commission on Good Government.
Dati rin siyang dekano ng Far Eastern University Institute of Law at naitatag niya ang Master of Business Administration-Juris Doctor dual degree program ng De La Salle Graduate School of Business at FEU.
Nagtapos siya bilang class valedictorian ng Ateneo Law School noong 1990 at nagkamit ng Master of Laws mula sa Harvard Law School noong 1993.
Isa siya sa pinagpiliang maging chief justice ng Korte Suprema.
Nahirang din sina Atty. Rowena Amelia V. Guanzon at Sharrif M. Abas bilang Comelec commissioenrs bilang kapalit nina Commissioner Lucenito Tagle at Elias Yusoph.
Magtatagal ang kanilang panunungkulan hanggang sa ikalawang araw ng Pebrero, 2022. Nilagdaan ang kanilang papeles noong nakalipas na Martes, ika-28 ng Abril.
© China Radio International.CRI. All Rights Reserved. 16A Shijingshan Road, Beijing, China. 100040 |