|
||||||||
|
||
AABOT sa 79 na mga Filipino mula sa Libya at Syria ang nakatakdang dumating sa Pilipinas ngayong linggo.
May 16 na Filipino mula sa Syria ang nakinabang sa Mandatory Repatriation Program at darating bukas na 11:15 A.M. sa Ninoy Aquino International Airport sakay ng Gulf Air flight GF 154.
Ang 16 na darating ay naglakbay mula sa Damascus patungong Beirut at tutulungan ng mga tauhan ng Embahada ng Pilipinas sa Beirut sa paglalakbay patungo sa Masna'a border ng Lebanon. Magkakaroon sila ng departure briefing at medical check-up bago maglakbay patungong Maynila.
Aabot na sa 5,642 ang total na bilang ng mga Filipino mula sa Syria.
May 63 mga Filipino na may mga dependents ang nailikas ng Embahada ng Pilipinas sa Tripoli at nadala sa Tunis kahapon. Dalawang grupo sila pag-uwi sa Pilipinas.
May 35 ang darating bukas ng ika-apat ng hapon sakay ng Emirates Air Flight EK 332 samantalang may 23 ang darating ika-apat din ng hapon sakay ng Qatar Airways 932. Limang iba pa ang inaasahang makakauwi ngayong linggong ito.
Aabot na sa 4,830 ang mga Filipinong nakauwi mula sa Libya.
© China Radio International.CRI. All Rights Reserved. 16A Shijingshan Road, Beijing, China. 100040 |