|
||||||||
|
||
Idinaos kahapon, sa Baku, kabisera ng Azerbaijan, ang Ika-48 Taunang Pulong ng Konseho ng Asian Development B ank (ADB). Sa pulong, tinalakay ang mga temang kinabibilangan ng kalagayang pangkabuhayan sa rehiyong Asya-Pasipiko, pagbabago ng kabuhayan ng mga bansang Asyano, pagharap sa pagbabago ng presyo ng mga malaking paninda, pagpapalalim ng kooperasyon sa pagitan ng ADB at middle - income countries, pagpapalakas ng kakayahan ng ADB at iba pa.
Sinabi naman ni Takehiko Nakao, Puno ng ADB, na magsisikap ang ADB para ito'y maging "mas malakas, mas mabuti at mas mabilis ". Aniya pa, walang humpay din itong magsisikap rin para mapawi ang kahirapan sa rehiyong Asya-Pasipiko at pasulungin ang sustenableng pag-unlad ng rehiyon.
Sa kanyang talumpati, ipinahayag ni Lou Jiwei, Ministro ng Pinansya ng Tsina, na sa harap ng mahinang kalagayang panlabas at mahigpit na hamon, dapat isaayos ng iba't ibang bansa ng Asya ang estratehiya ng pag-unlad, baguhin ang paraan ng pag-unlad, at palawakin ang espasyo ng pag-unlad.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |