Hinggil sa CRIHinggil sa Serbisyo Filipino
   

Management skills, kailangan sa Commission on Elections

(GMT+08:00) 2015-05-06 17:46:38       CRI

NANINIWALA si dating Commission on Elections chairman Christian Monsod na magaling na abogado at isang tapat na tao si Dean Andres D. Bautista, ang hinirang na kapalit ni Chairman Sixto Brillantes na nagretiro na noong ikalawang araw ng Pebrero bilang chairman ng COMELEC.

Sa isang panayam bago sinimulan ang pulong ng Foreign Correspondents Association of the Philippines at Friends of Peace sa Asian Institute of Management kanina, sinabi ni Atty. Monsod na pitong abogado na ang bumubuo ng Comelec at ang kailangang gawin ng mga bagong hirang at kasalukuyang naglilingkod ay kausapin ang kanilang mga tauhan sa iba't ibang bahagi ng bansa sapagkat ang pagtatagumpay ng halalan ay nagmumula sa iba't ibang field offices.

Nababahala si Atty. Monsod na baka walang sapat na kakayahan si Dean Bautista sa larangan ng management sapagkat hindi mga isyung legal ang kinakaharap ng mga namumuno sa Commission on Elections sapagkat ito'y sa pagpapatakbo ng halalan. Ipinaliwanag pa niya na "management skills" ang kailangan ng isang chairman.

Kailangan ding mabatid kung mayroon siyang kaalaman sa larangan ng information-communication technology sapagkat mahalaga ito sa halalan. Kailangang alamin din nina Chairman Bautista ang pananaw at karanasan ng mga nasa lalawigan sa larangan ng automated elections.

Wala nang isang taon ang kanilang magagamit upang mabatid ang lahat ng anggulo ng operasyon ng Commission on Elections sapagkat gagawin ang halalan sa darating na Mayo nueve, 2016.

Nanawagan din si G. Monsod sa mga "watchdog" na tumulong upang mabago ang mga balangkas sa halalan lalo't kailangang igalang at tupdin ang mga adhikain Saligang Batas. Hindi umano kailangang laging sumasang-ayon ang watchdogs sa bawat sinasabi ng Commission on Elections.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>