|
||||||||
|
||
TINIYAK ng Armed Forces of the Philippines sa mga mamamayan na walang anumang peligro mula sa mga terorista sa Metro Manila kasunod ng serye ng mga text messages hinggil sa diumano'y balak na magpasabog ng mga bomba sa shopping malls.
Sinabi ni Brig. General Joselito Kakilala na patuloy silang tutulong sa mga alagad ng batas sa pagsisiyasat. Babantayan at aalamin ang detalyes kung saan nagmula ang text message na kumalat sa madla.
Isa umanong opisyal ng SM Malls ang nagsabing nagbabalak ang Abu Sayyaf na mambomba sa SM North sa Quezon City at sa Southmall sa Las Pinas City.
Humihiling umano ang Abu Sayyaf ng US$ 15 milyon at binigyan ng palugit na isang linggo kaya't nasaklaw na sila ng high alert. Kasama sa mensahe ang babala na huwag ng magtungo sa SM North Edsa at sa Southmall sa loob ng isang linggo.
Sa isang statement na inilabas sa Facebook, sinabi ng SM Supermalls na wala silang anumang ikinalat na text message. Kasabay ng pahayag na ito ang kahilingan sa mga autoridad naalamin ang pinagmulan ng balita.
© China Radio International.CRI. All Rights Reserved. 16A Shijingshan Road, Beijing, China. 100040 |